ශ්රී ලංකාවේ ටියුනීසියානු තානාපතිනිය වන හේයත් ටැල්බි මහත්මිය පාර්ලිමේන්තුවේ කථානායක මහින්ද යාපා අබේවර්ධන මහතා හමු විය. පසුගියදා (03) පාර්ලිමේන්තුවේදී පැවති මෙම හමුවට පාර්ලිමේන්තුවේ මහ ලේකම් ධම්මික දසනායක මහතාද එක්ව සිටියේය.
දෙරට අතර රාජතාන්ත්රී සබඳතා තවදුරටත් ශක්තිමත් කිරීම පිළිබඳ මෙහිදී දීර්ඝ වශයෙන් සාකච්ඡා කෙරිණි. එමෙන්ම දෙරට අතර සංචාරක කර්මාන්තය වර්ධනය කිරිම, ව්යාපාරික සබඳතා ශක්තිමත් කිරීම මෙන්ම දෙරටේ පාර්ලිමේන්තු අතර අන්තර් පාර්ලිමේන්තු සබඳතා ශක්තිමක් කිරීමේ අවශ්යතාවය පිළිබඳවද මෙහිදි කරුණු සාකච්ඡා විය.
ශ්රී ලංකාවේ සංවර්ධන ඉලක්ක සපුරා ගැනීම සඳහා ටියුනීසියාවේ උපරිම සහයෝගය ලබා දෙන බවද තානාපතිනිය මෙහිදී සඳහන් කළාය.