― political ―

වතුකරයේ ජනතාවගෙන් රනිල්ට අති විශිෂ්ඨ ජයග්‍රහණයක් – ජීවන්

මෙවර ජනාධිපතිවරණයේදී රනිල් වික්‍රමසිංහට අති විශිෂ්ඨ ජයග්‍රහණයක් ලබාදීමට වතුකරයේ ජනතාව සූදානම් බව ලංකා කම්කරු කොංග්‍රසයේ මහ ලේකම් සහ අමාත්‍ය ජීවන් තොණ්ඩමන් පවසනවා. 2024 ජනාධිපතිවරණයේ මැතිවරණ...

HomeNewsPoliticalආදිවාසීන්ගෙන් අලුත් දේශපාලන පක්ෂයක්

ආදිවාසීන්ගෙන් අලුත් දේශපාලන පක්ෂයක්

ඉදිරියේදී ආදිවාසීන්ගේ අනන්‍යතාවය තහවුරු වන ආකාරයට දේශපාලන පක්ෂයක් ලියාපදිංචි කරන බව ආදිවාසි නායක ඌරුවරිගේ වන්නිල ඇත්තන් පැවසීය.

ගහමරා ගනිමින්, බෙලි කපා ගනිමින් සිදුකරන වත්මන් දේශාපලන ක්‍රමය පිටුදැකීම සඳහා මෙම තීරණය ගත් බවයි ආදිවාසී නායකයා අවධාරණය කළේ.

මම නම් කවදාවත් දේශපාලනයට එන්නවත් ඡන්දය ඉල්ලන්වත් බලාපොරොත්තු වෙන්නේ නැහැ. එහෙත් අපේ රැහේ උගත් තරුණ තරුණියෝ, අද කැළේටම කොටුවෙලා ඉන්න කැමති නැහැ. ඔවුන් සරසවි අධ්‍යාපනයට පවා යොමුවෙලා තියෙනවා. උපාධිධාරින් පවා සිටිනවා. ඒ අයගේ ඉදිරිගමන් මඟට නායකයා විදියට අවහිර කන්න මම කැමති නැහැ. ඒ ගමනට මම සුබ පතනවා. දිරි දෙනවා. සහාය දෙනවා. මේ තියෙන පක්ෂ දේශපාලනය ජනතාවට එපා වෙලා. ඒ නිසා මෙවර වෙනත් ස්වාධින පක්ෂයකින් අපේ තරුණ තරුණියෝ කිහිපදෙනෙක් දඹාන, හෙන්නානිගල, රතුගල, පොල්ලබැද්ද යන ගම්මානවලින් පළාත් පාලන මැතිවරණයට ඉදිරිපත් වෙලා සිටිනවා. වෙනම පක්ෂයක් ලියාපංදිචි කරන්න කාල වේලාවක් නොතිබුන නිසා. ඉදිරියේදී අපේම පක්ෂයක් බිහිකරනවා.

පසුගිය මැතිවරණ දිහා බැලුවම පක්ෂ පක්ෂ ඇන කොටා ගත්තේ ප්‍රචාරක කටයුතුවලදී. එක පක්ෂයක් පෝසටර් ඇලෙව්වම තවත් පක්ෂයක අය ඒක ගලවනවා. නැත්නම් ඊට උඩින් තම පක්ෂයේ පෝස්ටර් අලවනවා. මේවාට රණ්ඩු වී ගුටි ගහන්නවා. ගහ මරා ගන්නවා. මේ නිසා දඹානේ පෝස්ටර් ඇලවීම මහ පාරේ ලිවීම යනාදිය තහනම් කරන්න මම කටයුතු කළා. අපේ අපේක්ෂකයන් ගෙන් ගෙට ගිහිල්ලා සෙසු අයට ආදර්ශයක් දෙමින් අතිතයේ විදියට බුලත් අතක් දීලා ආචාර කරලා ඡන්දය ඉල්ලන්න පුරුදු කළා. සමහර පක්ෂ ඡන්ද ප්‍රචාරක කටයුතුවලට විශාල මුදලක් වැය කරනවා. ඇයි එහෙම කරන්නේ. බලයට පත්වෙන්න. බලයට පත්වුනාම කිසිම වැඩක් කරන්නේ නැහැ. උදව් ඡන්දදායකයින් අමතක කරනවා. ඒගොල්ල හදන්නේ අපට වැඩ කරන්න නෙවෙයි. ඒගොල්ලන්ගේ සුඛ විවරණය හදාගන්න. මේ ක්‍රමය වෙනස් විය යුතුයි.

සමහරු හිතනවා ඡන්දය අපට අලුත් දෙයක් කියලා. නැහැ ඒක නොදැනුවත් කම නිසා ඇතිකරගත් සිතුවිල්ලක්. ඩඩ්ලි සේනානායක අගමැති තුමාගේ කාලයේ සිටම අපේ ඇත්තෝ ඡන්දයට ඉදිරිපත් වුණා.