දක්ෂිණ අධිවේගී මාර්ග සංවර්ධන අධිකාරියේ වල්ගම ප්‍රධාන කාර්යාලයේ සිට තඹ කේබල් කපා අලෙවි කළ බවට සැකපිට පුද්ගලයින් තිදෙනෙකු පොලිසිය විසින් අත්අඩංගුවට ගෙන තිබේ.
බණ්ඩාරගම පොලීසිය පැවසුවේ, එම කාර්යාලයේ පෞද්ගලික ආරක්ෂක අංශයේ හිටපු ස්ථාන භාර නිලධාරියා ඇතුළු තිදෙනෙකු අත්අඩංගුවට ගත් බවයි.
සොරකම් කරන ලද තඹ කේබල්වල වටිනාකම රුපියල් ලක්ෂ 37ක් පමණ වෙතැයි ගණන් බලා තිබේ. සැකකරුවන් 35 සහ 52 යන වයස්වල පසුවන මහනුවර දංකොටුව සහ බණ්ඩාරගම පදිංචිකරුවන්ය.
දක්ෂිණ අධිවේගී මාර්ගයේ මාර්ග සංවර්ධන අධිකාරියට අයත් කාර්යාලයක තඹ කම්බියක් අස්ථානගත වී ඇති බවට බණ්ඩාරගම පොලිසියට කළ පැමිණිල්ලකට අනුව සැකකරුවන් අත්අඩංගුවට ගෙන ඇත.