අනුරාධපුර පූජා නගරයේ තිසා වැව ප්‍රදේශයේ නිවසක් පරීක්ෂා කිරීමේ දී බලපත්‍ර නොමැතිව විදේශ රටක නිෂ්පාදිත පතරොම් තුවක්කුවක් හා මෙරට නිෂ්පාදිත බඳින තුවක්කු දෙකක් සමඟ නීති විරෝධීව සන්තකයේ තබාගත් තරුණයකු අත්අඩංගුවට ගෙන තිබෙනවා.
අනුරාධපුර පොලිස් විශේෂ කාර්ය බලකායට ලැබුණු තොරතුරක් මත ඊයේ (6) රාත්‍රියේ පරීක්ෂණ කටයුතු සිදුකර තිබුණා.
මෙලෙස අත්අඩංගුවට ගෙන ඇත්තේ හිටපු අමාත්‍යවරයකුගේ මුණුබුරෙක්.
ඔහු මෙවර උසස් පෙළ විභාගය සඳහා පෙනී සිටින වයස අවුරුදු 20 ක තරුණයෙක්.
පොලිස් විශේෂ කාර්ය බළකායේ නිලධාරින් විසින් වැඩිදුර පරීක්ෂණ සඳහා මෙම සැකකරු සහ ගිනිඅවි අනුරාධපුර මූලස්ථාන පොලිසියට බාරදී තිබෙනවා.
අනුරාධපුර පොලිසිය විසින් සැකකරුව අද අනුරාධපුර මහේස්ත්‍රාත් අධිකරණයට ඉදිරිපත් කළ අතර අනතුරුව රුපියල් ලක්ෂයක ශරීර ඇප මත අදාළ සැකකරුව මුදාහැරීමට මහේස්ත්‍රාත් අධිකරණය කටයුතු කළා.