මුද්දර අලෙවිය ඉහළ ගොස් ඇති බව තැපැල් දෙපාර්තමේන්තුව පවසයි.
වැඩ බලන තැපැල්පති රුවන් සත්කුමාර පැවසුවේ 2021 වසරට සාපේක්ෂව ඉකුත් වසරේ (2022) අගෝස්තු මාසයේ සිට දෙසැම්බර් 31 වැනිදා දක්වා වූ කාලයේදී මුද්දර අලෙවියේ ආදායම රුපියල් මිලියන 742කින් වැඩිවී තිබෙන බවයි.
සාමාන්‍ය ලිපි යැවීමේ යම්කිසි අඩුවක් ඇතත්, ලියාපදිංචි ලිපි යැවීමේ අඩුවක් නොමැති බව පැවසූ වැඩ බලන තැපැල්පතිවරයා කියා සිටියේ තැපැල් දෙපාර්තමේන්තුව තොරතුරු තාක්ෂණය සමග ඉදිරියට ගමන් කරමින් සිටින බවයි.