ජාත්‍යන්තර මූල්‍ය අරමුදල ශ්‍රී ලංකාව සම්බන්ධයෙන් සතුටුදායක පණිවුඩයක් නිකුත් කර තිබේ.
ඒ අනුව ඔවුන් පවසා ඇත්තේ මූල්‍ය අර්බුදයෙන් මිරිකී සිටින ශ්‍රී ලංකාව වෙත ඉන්දියාව ලබා දුන් සහතිකය අනුව, ශ්‍රී ලංකාවට මූල්‍ය සහතිකයක් ලබා දීම සඳහා පැරිස් සමාජය විසින් මෑතකදී කරන ලද ප්‍රකාශය සාදරයෙන් පිළිගන්නා බවයි.
මෙරටට ජාත්‍යන්තර මූල්‍ය අරමුදලේ මූල්‍ය සහන ලබා ගැනීම සඳහා අවශ්‍ය කරන මූල්‍ය සහතික ලබා ගැනීම සඳහා ශ්‍රී ලංකාව තම ද්විපාර්ශ්වික ණය හිමියන් සමඟ සාකච්ඡා කරමින් පවතී.
අදාළ කටයුත්ත සඳහා අවශ්‍ය කරන ප්‍රමාණවත් මූල්‍ය සහතික ලබා ගැනීම ඇතුළු අනෙකුත් අවශ්‍යතා සපුරා ගැනීම සඳහා ශ්‍රී ලංකා බලධාරින් සමත් වූ වහාම ශ්‍රී ලංකාව වෙත ප්‍රධානය කිරීමට එකඟ වී සිටින සහන පැකේජය මුදා හැරීමට අදාල අනුමැතිය හිමිවන බවයි ජාත්‍යන්තර මූල්‍ය අරමුදල පවසන්නේ.