මහා පරිමාණ මත්ද්‍රව්‍ය ජාවාරම්කරුවකු වන මාකඳුරේ මධූෂ්ගේ ප්‍රධාන ගෝලයා ලෙස හැඳින්වෙන පුද්ගලයෙකු නවගමුව, නුගගහවත්ත පාර ප්‍රදේශයේ දී පොලිස් විශේෂ කාර්ය බලකාය විසින් අත්අඩංගුවට ගෙන ඇත.
ඔහු අත්අඩංගුවට ගන්නා අවස්ථාවේ ඔහු සතුව තිබී කේරළ ගංජා කිලෝ 12 ක් සොයා ගෙන ඇත.
මොහු මහා පරිමාණ මත්ද්‍රව්‍ය ජාවාරම්කරුවෙකු වූ මාකඳුරේ මධූෂ් නැමති පුද්ගලයා සමග ඩුබායි රාජ්‍යයේ දී අත්අඩංගුවට පත්ව මෙරටට පිටුවහල් කරන ලද අයෙකු බව විමර්ශණවල දී අනාවරණය වී ඇත.
සැකකරු කොළොන්නාව ප්‍රදේශයේ පදිංචි වයස අවුරුදු 48 ක් වන පුද්ගලයක් වේ.