අද (13) කාර්යාල දුම්රිය 05ක් ඇතුලුව දුම්රිය ගමන්වාර 10ක් අවලංගු කර ඇති බව දුම්රිය දෙපාර්තමේන්තුව පවසයි.
රියදුරන්ගේ වෘත්තිය ක්‍රියාමාර්ගයක් හේතුවෙනුයි මෙලෙස දුම්රිය ගමන් වාර අවලංගු කර ඇත්තේ.
මෙලෙස අවලංගු කර ඇත්තේ පොල්ගහවෙල – මරදාන දක්වා ධාවනය වීමට නියමිතව තිබූ දුම්රිය 2 ක්, මහව – කොළඹ කොටුව දුම්රියත්, රඹුක්කන – කොළඹ කොටුව සහ කුරුණෑගල – කොළඹ කොටුව දක්වා ගමන් කිරීමට නියමිතව තිබූ දුම්රිය කීපයක් ද, මුහුදු බඩ මාර්ගයේ ගමන් කිරීමට නියමිතව තිබූ හික්කඩුව – මරදාන , අලුත්ගම -මරදාන සහ කළුතර – මරදාන දක්වා ධාවනය වීමට නියමිතව තිබු දුම්රිය ගමන්වාර 3කුයි.
මීට අමතරව පුත්තලම මාර්ගයේ හලාවත – කොළඹ දක්වා ධාවනය විමට නියමිතව තිබූ දුම්රිය ගමන්වාර දෙකක් අවලංගු වී ඇති බවයි වාර්තා වන්නේ.