පසුගිය සෙනසුරාදා අලුයම කල්පිටිය වෙරළ තීරයට ගොඩ ගැසූ තල්මසුන් 14 දෙනාගෙන් හතර දෙනෙකු මියගොස් ඇති බව වනජීවී නිලධාරීහු පවසති.
ඔවුන්ගේ මරණයට හේතුව තහවුරු කර ගැනීම සඳහා සෙනසුරාදා පශ්චාත් මරණ පරීක්ෂණය පැවැත්වූ අතර ඊට අදාළ වාර්තාව තවමත් ලැබී නොමැති බවයි ඔවුන් පවසන්නේ.
තල්මසුන් යළි මුහුදට මුදා හැරීමට ශ්‍රී ලංකා නාවික හමුදාව සහ වනජීවී දෙපාර්තමේන්තුව දැඩි පරිශ්‍රමයක් දැරුවද තල්මසුන් හතර දෙනෙකු මියගොස් තිබේ.