ඡන්දය තියන්න එපා යැයි එජාපය කිසිවිටෙකත් කියන්නේ නැති බවත් ජනාධිපතිවරයාගේ පළමු යුතුකම ජනතාවගේ බඩගින්න නිවීම බවත් හිටපු අමාත්ය නවීන් දිසානායක පැවසීය.
මන්ත්රීවරයා මේ බව ප්රකාශ කළේ පිටකෝට්ටේ සිරිකොත එක්සත් ජාතික පක්ෂ මූලස්ථානයේ පැවැති මාධ්ය හමුවකට එක්වෙමිනි.
එහිදී වැඩිදුරටත් අදහස් දැක්වූ මන්ත්රීවරයා කියා සිටියේ රට ස්ථාවර කිරීම සඳහා ජනාධිපතිවරයාට තව මාස හයක්වත් දිය යුතු බවත් ඊට පසුව ඕනෑම මැතිවරණයකට යා හැකි බවත්ය.
අද තියෙන්නේ රනිල් වික්රමසිංහ තම දේශපාලන පන්නරයෙන් තනියම ගහන ගේම් එකක් බව පැවසූ මන්ත්රීවරයා අවධාරණය කළේ ප්රශ්න ගොඩක් තිබුනත් මාස 6කට පෙර තිබූ තත්ත්වයට වඩා රට හොඳ තැනකට පැමිණ තිබෙන බවයි.