මැතිවරණය කල් දැමීමට ශ්‍රී ලංකා පොදුජන පෙරමුණ විරුද්ධ බව ශ්‍රී ලංකා පොදුජන පෙරමුණේ ප්‍රධාන ලේකම් නීතිඥ සාගර කාරියවසම් පැවසීය.
හෙතෙම මේ බව සඳහන් කළේ මැතිවරණ කොමිසම හා දේශපාලන පක්ෂ ලේකම්වරුන් අතර ඊයේ (14) පැවති සාකච්ඡාවෙන් අනතුරුව අදහස් දක්වමිනි.
එහිදී වැඩිදුරටත් අදහස් දක්වමින් ලේකම්වරයා කියා සිටියේ රටේ ප්‍රජාතන්ත්‍රවාදයේ මූලික ලක්‍ෂණය සර්වජන ඡන්ද බලය බවත් තම පක්‍ෂය මැතිවරණය පැවැත්වීම වෙනුවෙන් පෙනී සිටින බවත්ය.
එමෙන්ම මැතිවරණයේ සියලුම වගකීම් ඉෂ්ට කිරීම මැතිවරණ කොමිසමේ වගකීමක් බව පැවසූ ලේකම්වරයා අවධාරණය කළේ මැතිවරණය පැවැත්වීමට එම කොමිසම කඩිනමින් පියවර ගත යුතු බවයි.