කෑගල්ල දිස්ත්‍රික්කයේ මාවනැල්ල ප්‍රාදේශීය සභාවේ සභාපතිවරයා එම තනතුරෙන් ඉවත්කරමින් සබරගමුව පළාත් ආණ්ඩුකාරවරයා විසින් අති විශේෂ ගැසට් නිවේදනයක් නිකුත් කර තිබෙනවා.
සබරගමුව පළාත් ආණ්ඩුකාර ටිකිරි කොබ්බෑකඩුව විසින් ඊයේ (14) නිකුත් කර ඇති මෙම ගැසට් පත්‍රයේ වැඩිදුරටත් දක්වා ඇත්තේ මාවනැල්ල ප්‍රාදේශීය සභාවේ සභාපති රංකොත් පේඩිගේ නොයෙල් දසන්ත ස්ටීවන් එම ධුරයේ රාජකාරි සිදු කිරීමේ දී 1987 අංක 15 දරණ ප්‍රාදේශීය සභා පනතේ 185 (1) වගන්තියේ සඳහන් වැරදි කිසිවක් සිදුකර ඇත්ත ද යන්න පරීක්ෂා කර මාස 03ක් ඇතුළත වාර්තාවක් ආණ්ඩුකාරවරයා වෙත ලබාදෙන ලෙසයි.
එම පරීක්ෂණය සඳහා විශ්‍රාමික මහාධිකරණ විනිසුරු රෝහණ අනුර කුමාර පත්කර ඇති බවත් අදාළ ගැසට් නිවේදනයේ දැක්වෙනවා.
