මෙරට තුළ විවිධ ප්‍රදේශවලින් මෝටර් රථ සොරකම් කිරීම් වාර්තා වීම වැඩි වශයෙන් සිදුවන බවත් මේ හේතුවෙන් සිය මෝටර් රථ සම්බන්ධයෙන් අවධානයෙන් සිටින ලෙසත් පොලීසිය රියදුරන්ට දැනුම් දී තිබේ.
පසුගියදා වැලිවේරිය ප්‍රදේශයේදී රුපියල් ලක්ෂ 32ක් පමණ වටිනා මෝටර් රථයක් සොරකම් කිරීම සම්බන්ධයෙන් පොලිසියට පැමිණිල්ලක් ලැබී ඇති අතර පොලිස් නිලධාරීන් ජංගම දුරකථන දත්ත භාවිතයෙන් පරීක්ෂණ සිදුකර ඊට අදාළ පුද්ගලයෙක් අත්අඩංගුවට ගත් බව වාර්තා වෙයි.
සැකකරු ආඬිඅම්බලම ප්‍රදේශයේ 47 හැවිරිදි පුද්ගලයෙක් වන අතර ඔහු එම වාහනය රුපියල් ලක්ෂ 14කට මිලදී ගෙන තිබේ.
වාහනය සොරකම් කළ පුද්ගලයා එම ප්‍රදේශයෙන් පළාගොස් ඇති අතර ඔහුව අත්අඩංගුවට ගැනීම සඳහා වැලිවේරිය පොලීසිය පරීක්ෂණ සිදුකරනු ලබයි.