සෞඛ්‍ය අමාත්‍යාංශයේ සහ ඒ යටතේ ඇති ආයතනවල කාර්ය මණ්ඩල අතිකාල දීමනා සහ අමතර රාජකාරී දීමනා සියයට පහළොවකින් කපා හැරීමට පියවර ගෙන තිබේ.
මීට අදාළ චක්‍රලේඛය සෞඛ්‍ය අමාත්‍යාංශය විසින් මේ වනවිටත් නිකුත් කර ඇථි අතර එහි දක්වා ඇත්තේ අතිකාල සහ අමතර රාජකාරි කරන කාල වේලාවන්වල අදාළ සේවකයා අනිවාර්යයෙන්ම සේවයේ යෙදෙන බව ආයතන ප්‍රධානීන් තහවුරු කර ගත යුතු බවයි.
එමෙන්ම විධායක ශ්‍රේණියේ නිලධාරීන් සඳහා මසකට ලබා ගන්නා නිවාඩු දින වැටුප් ප්‍රමාණය දින පහක් දක්වා අඩු කළ යුතු බවත් ආරක්ෂක සහ පිරිසුදු කිරීම් වැනි ගිවිසුම් ගත සේවාවන් සඳහා දැනට අනුමත සේවක සංඛ්‍යාව අවම වශයෙන් සියයට දහයකින් අඩු කළ යුතු බවත් එහි වැඩිදුරටත් දක්වා තිබේ.