නේපාලය සහ ස්කොට්ලන්තය අතර එක්දින ක්‍රිකට් තරගයක් පසුගියදා පැවැත්වුණා.
තරගයෙන් අනතුරුව ස්කොට්ලන්ත ක්‍රීඩකයින් නේපාල කණ්ඩායමේ ක්‍රීඩකයින්ට අතට අත දුන්හ. එහෙත් බොහෝ දෙනෙක් නේපාල ක්‍රීඩක සන්දීප් ලමිච්චාන්ට අතට අත දීම ප්‍රතික්ෂේප කළහ.
ඊට අදාළ වීඩියෝවක් මේ වන විට අන්තර්ජාලයේ සැරිසරනවා.
නේපාල ක්‍රිකට් කණ්ඩායමේ නායකයා ලෙස කටයුතු කර ඇති සන්දීප් ලමිච්චන් මේ වන විට එක්දින ජාත්‍යන්තර තරඟ 30කට සහ විස්සයි විස්ස තරඟ 44කට ක්‍රීඩා කර තිබෙනවා. පසුගිය වසරේ අගෝස්තු මාසයේදී 17 හැවිරිදි දැරියකට ලිංගික අතවර කිරීමේ පැමිණිල්ලකට අනුව ඔහු අත්අඩංගුවට ගනු ලැබුවා.
මේ අනුව නේපාල ක්‍රිකට් ආයතනය විසින් ඔහුගේ තරග තහනමකට ලක් විය. සන්දීප් ලමිච්චන්ට එරෙහිව පනවා තිබූ තහනම් නියෝගය ජනවාරි 31 වැනිදා ඉවත් කිරීමට තීරණය විය.
ඉන් පසුව නේපාල ක්‍රිකට් කණ්ඩායම ඔහුට එක්දින තරග 4කට ක්‍රීඩා කිරීමට අවසර ලබාදුන්නා.
මෙම අවස්ථාවේදී ස්කොට්ලන්ත ක්‍රීඩකයින් පසුගියදා පැවති තරඟයේදී ඔහුට අතට අත දීම ප්‍රතික්ෂේප කළා.