චීනයේ එක්සිම් බැංකුව විසින් ශ්රී ලංකාවට ණය සහ පොලී ගෙවීම සඳහා සහන කාලයක් ලබා දී ඇති බවත් එම කාල සීමාව ඇතුළත ශ්රී ලංකාව විසින් චීනයට ගෙවිය යුතු ණය වාරික සහ පොළිය අය කර නොගන්නා බවත් චීනය නිවේදනය කර තිබේ.
චීන ආර්ථික කටයුතු අමාත්යාංශයේ ප්රකාශක වෙන්ග් වෙන්බින් පසුගියදා (20) පැවති මාධ්ය සාකච්ඡාවකදී මේ බව පැවසීය.
මේ හරහා ශ්රී ලංකාවේ කෙටි කාලීන ණය ගෙවීමට සහන සැලසීම චීනයේ අපේක්ෂාවයි.
මධ්ය කාලීන සහ කෙටි කාලීන ණය ගෙවීම සම්බන්ධයෙන් චීන එක්සිම් බැංකුව ශ්රී ලංකාව සමඟ සාකච්ඡා ආරම්භ කරන බවද චීන ආර්ථික කටයුතු අමාත්යාංශයේ ප්රකාශකවරයා පවසා තිබේ.
මෙම සාකච්ඡා ශ්රී ලංකාවේ ණය ස්ථාවර කිරීමට හේතු වන බවද ඔහු පෙන්වා දුන්නේය.