ජාතික ජන බලවේගය පක්ෂය කොළඹදී සංවිධානය කළ විරෝධතාව අතුරතුර කඳුලු ගෑස් ප්‍රහාරයකට ලක්ව රෝගාතුරව කොළඹ ජාතික රෝහලට ඇතුළත් කර සිටියදී මියගිය නිමල් අමරසිරිගේ දේහය භූමදානය කිරිම සඳහා ඔහුගේ පුත්‍රයාට භාර දෙන ලෙස කොළඹ කොටුව මහේස්ත්‍රාත් තිළිණ ගමගේ මහතා අද(28) කොම්පඤ්-ඤවීදිය පොලීසියට නියෝග කළේය.
කොළඹ ජාතික රෝහලේ හදිසී ප්‍රතිකාර ඒකකයේ ප්‍රතිකාර ලබමින් සිටියදී ඉකුත් 27 වැනිදා මියගිය දොඹගම්මන දෑල, රත්නපුර නිවිතිගල පදිංචිව සිටි 61 හැවිරිදි නිමල් අමරසිරි යන අය සම්බන්ධ මහේස්ත්‍රාත් පරික්ෂණය සිදුකිරීමෙන් පසු මහේස්ත්‍රාත්වරයා මෙම නියෝගය නිකුත් කරනු ලැබුවේ කොළඹ ජාතික රෝහලට ගොස් මරණය පරීක්ෂා කිරීමෙන් අනතුරුවය.