ශ්‍රී ලංකාව ආර්ථික අතින් නව ගමනක් ආරම්භ කිරීමට නම් පවතින වාතාවරණයට හැඩ ගැසෙමින් ඉදිරියට යායුතු බව මහ බැංකු අධිපති ආචාර්ය නන්දලාල් වීරසිංහ මහතා පවසනවා.
37 වන ජාත්‍යන්තර වරලත් ගණකාධිකාරී ශිෂ්‍ය සම්මේලනයට එක්වෙමින් මහ බැංකු අධිපතිවරයා මේ බව ප්‍රකාශ කළා.
රජය පොලී හා බදු අනුපාතයන් ඉහළ දැමීම නිසා දුෂ්කර මුල්‍ය තත්ත්වයක සිටින බවට විවිධ පාර්ශව මැසිවිලි නගන නමුත් අඩු පොලී අනුපාත මත තවදුරටත් ආර්ථිකය රඳා පැවැතිය නොහැකි බවත් මුල්‍ය සහන ලැබුණු පසු ආර්ථිකය වඩා හොඳ තත්වයකට පත්වනු ඇති බවටත් නන්දලාල් වීරසිංහ මහතා විශ්වාසය පළකලා.