රහස් පොලිසියේ නිලධාරීන් යැයි කියමින් යාපනයේ කෝපායි උදයන්කාඩු ගම්මානයේ නිවසකට ඇතුලු වූ පුද්ගලයින් දෙදෙනෙකු වයෝවෘද්ධ අඹුසැමියන් යුවල රවටා පවුම් 38ක ස්වර්ණාභරණ පැහැර ගෙන ගොස් ඇති බවට පුවතක් වාර්තා වනවා.
සැකකරුවන් දෙදෙනා විසින් අදාල නිවසේ දොරට තට්ටු කොට ඔවුන්ගේ පුතා වූ රහස් පොලිසියෙන් රැගෙන ගොස් ඇති බැවින් කට උත්තරයක් ලබා ගැනීමට අවශ්‍ය බව කියමින් නිවසට ඇතුලු වී මෙම කොල්ල කෑම සිදු කොට තිබෙන බවයි ඊයේ (28) කෝපායි පොලිසියට පැමිණිල්ලක් ලැබී ඇත්තේ.
කොල්ලකරුවන් නිවසට පැමිණෙන විට නිවසේ සිට ඇත්තේ වයෝවෘද්ධ යුවල පමණක් බවයි වාර්තා වන්නේ.කෝපායි පොලීසිය සිද්ධිය සම්බන්ධයෙන් වැඩිදුර පරීක්ෂණ පවත්වා ගෙන යනවා.