පොලිසිය නිල සුනඛ අංශයේ නිලධාරීන් සමග එක්ව කළ වැටලීමකින් හෙරොයින් සමග කාන්තාවන් ඇතුලු 10 දෙනෙකු අත්අඩංගුවට ගෙන තිබෙනවා.
ඊයේ උදෑසන මහනුවර පොලිසිය කළ මෙම වැටලීමේදී සැකකරුවන් සතුව තිබී හෙරොයින් ග්‍රෑම් 39යි මිලිග්‍රෑම් 265ක් සොයාගෙන ඇති බවයි පොලිසිය කියාසිටියේ.
අත්අඩංගුවට පත්වූවන් අතර කාන්තාවන් 4 දෙනෙකු ද වනවා.
අවුරුදු 24ත් 52ත් අතර වයස්වල පසුවන සැකකරුවන් හීරැස්සගල, සුදුහුම්පොල, මහයියාව, මහනුවර සහ දිගන ප්‍රදේශවල පදිංචිකරුවන්.
කටුගස්තොට සහ රෝහල් පටුමග ප්‍රදේශවල පදිංචි සැකකාරියන් අවුරුදු 24ත් 49ත් අතර වයස්වල පසුවන්නියන් වනවා.
මෙම විශේෂ මෙහෙයුමට පොලිස් නිලධාරීන් 48 දෙනෙකු සහභාගී වූ බව සඳහන්. අත්අඩංගුවට ගත් පිරිස අද මහනුවර මහේස්ත්‍රාත් හමුවට ඉදිරිපත් කිරීමට නියමිතයි.