දෙකටන රදාවාන මාර්ගයේ වානලුවාව ප්රදේශයේ සිදුවූ රිය අනතුරකින් කාන්තාවක් සහ පිරිමි පුද්ගලයෙකු ජීවිතක්ෂයට පත්වී තිබෙනවා.
ඊයේ මෙම අනතුර සිදුවී ඇත්තේ යතුරුපැදියක් පාලනය කර ගැනීමට නොහැකිව පෙරලී ගොස් වෑන් රථයකට යටවීමෙන්.
යතුරුපැදිය පෙරලී යාමත් සමග එහි පැමිණි දෙදෙනා විසිවී ගොස් මාර්ගයේ ප්රතිවිරුද්ධ දෙසින් පැමිණි වෑන් රථයට යටවී ඇති බවයි පොලිසිය කියාසිටියේ.
බරපතල තුවාල ලැබූ ඔවුන් දෙදෙනා දොම්පේ රෝහලට ඇතුලත් කිරීමේදී මරණයට පත්වී තිබෙනවා.
මෙලෙස මියගොස් ඇත්තේ රදාවාන ප්රදේශයේ පදිංචි අවුරුදු 44ක් වන පිරිමි පුද්ගලයෙක් සහ අවුරුදු 44ක කාන්තාවක්.
සිද්ධිය සම්බන්ධයෙන් වෑන් රථයේ රියදුරා පොලිසි අත්අඩංගුවට ගෙන තිබෙනවා.
මියගිය දෙදෙනාගේ මෘත ශරීර දොම්පේ රෝහලේ තැන්පත් කර ඇති අතර දොම්පේ පොලිසිය වැඩිදුර පරීක්ෂණ සිදු කරනවා.