අත්‍යවශ්‍ය ආහාර ද්‍රව්‍ය කිහිපයක තොග මිල පහළ ගොස් ඇති බව අත්‍යවශ්‍ය ආහාර ද්‍රව්‍ය ආනයනකරුවන්ගේ සංගමය පවසයි.
ඩොලරයට සාපේක්ෂව රුපියල ශක්තිමත් වීමත් සමඟ අත්‍යවශ්‍ය ආහාර ද්‍රව්‍යවල තොග මිල පහළ ගොස් ඇති බවයි එම සංගමය පවසන්නේ.
ඒ අනුව අර්තාපල්, ලූණු, පරිප්පු, සීනි ඇතුළු අත්‍යවශ්‍ය භාණ්ඩ රැසක තොග මිල සියයට 07 කින් පමණ පහළ ගොස් ඇති අතර රුපියල තවදුරටත් ශක්තිමත් වුවහොත් අත්‍යවශ්‍ය භාණ්ඩවල මිල තවත් පහළ යාමේ ඉඩකඩක් පවතී.