හිටපු ජනාධිපති මහින්ද රාජපක්ෂගේ විදේශ ගමන් තහනම ලබන මස 20 වැනිදා සිට 31 වැනිදා දක්වා ඉවත් කිරීමට කොළඹ කොටුව මහේස්ත්‍රාත් අධිකරණය නියෝග කර තිබේ.
පසුගිය වසරේ ගාලුමුවදොර පැවති අරගලයේ විරෝධතාකරුවන්ට පහරදීමේ සිද්ධියට අදාළ නඩුව අද (08)කැඳවනු ලැබූ අවස්ථාවේදී මෙම නියෝගය ලබා දී ඇත.
දකුණු කොරියාවේ පැවැත්වෙන සමුළුවක් සඳහා සහභාගි වීමට හිටපු ජනාධිපති මහින්ද රාජපක්ෂට අවසර ලබාදෙන ලෙස එහිදී හිටපු ජනාධිපතිවරයා වෙනුවෙන් පෙනී සිටි නීතිඥ මඩුල්ල අධිකරණයෙන් ඉල්ලා සිටි අතර ඒ අනුව අදාළ තහනම ඉවත් කිරීමට මහේස්ත්‍රාත්වරයා පියවර ගනු ලැබීය.