ඡන්දෙට මුදල් නොදුන්නොත් අධිකරණයට අපහාස කිරීම සම්බන්ධව නැවත වතාවක් අධිකරණයට යන බව සජබ පත්කළ මන්ත්‍රී රංජිත් මද්දුමබණ්ඩාර පැවසීය.
හෙතෙම මේ බව ප්‍රකාශ කළේ අද (09) පාර්ලිමේන්තුවේදී අදහස් දක්වමිනි.
එහිදී වැඩිදුරටත් අදහස් දක්වමින් මන්ත්‍රිවරයා කියා සිටියේ සමගි ජන බලවේගය අධිකරණයට ගියේ පාර්ලිමේන්තුවේ බලය ජනාධිපතිවරයා උදුරා ගත් නිසා බවත් අද වන විට ජනතාවගේ ප්‍රජාතන්ත්‍ර වාදයට සහ ජනසම්මතවාදයට විශාල අභියෝගයක් එල්ල වී තිබෙන බවත්ය.
ඡන්දයෙන් පත් නොවූ ජනාධිපතිවරයා ප්‍රජාතන්ත්‍රවාදය දිගින් දිගටම විනාශ කරමින් හමුදාවේ සහ පොලිසියේ බලයෙන් රට පාලනය කරන යුගයකට පැමිණ තිබෙන බවයි මන්ත්‍රීවරයා එහිදී අවධාරණය කළේ.