Become a member

Get the best offers and updates relating to Liberty Case News.

― Advertisement ―

spot_img

නෙදර්ලන්තය පැරදූ එංගලන්තයට ලකුණු 160ක ජයක්

2023 ලෝක කුසලාන ක්‍රිකට් තරගාවලියේ දෙවන ජයග්‍රහණය ලබා ගැනීමට පසුගිය වර ලෝක ශූරයන් වූ එංගලන්ත කණ්ඩායමට අද හැකියාව ලැබුණා. ඒ නෙදර්ලන්ත කණ්ඩායම ලකුණු 160කින් පරාජයට...
Homehot newsනිවසට ආ කතුන් තිදෙනෙක් දෙදරු මවගේ දිග කොණ්ඩය කපා රැගෙන ගිහින්

නිවසට ආ කතුන් තිදෙනෙක් දෙදරු මවගේ දිග කොණ්ඩය කපා රැගෙන ගිහින්

දෙදරු මවකට පහර දී ඇයගේ දිගු වරලස කපා දැමීමේ සිද්ධියක් සම්බන්ධයෙන් කාන්තාවක් හලාවත පොලිසිය මඟින් අත්අඩංගුවට ගෙන තිබෙනවා.

මෙම සිද්ධියට සම්බන්ධ බව කියන තවත් කාන්තාවන් දෙදෙනෙක් අත්අඩංගුවට ගැනීම සඳහා විමර්ශන ආරම්භ කර ඇති බවයි පොලිසිය සඳහන් කළේ.

අනියම් ඇසුරක් පිළිබදව ඇති වූ සැකයක් හේතුවෙන් මෙම දෙදරු මවට පහර දී ඇයගේ කොණ්ඩය මෙලෙස කපා දමා ඇති බවයි වාර්තා වන්නේ.

මෙම සිද්ධියට මුහුණ පා ඇත්තේ හලාවත, අඹකදවිල ප්‍රදේශයේ පදිංචි 39 හැවිරිදි දෙදරු මවක් වන අතර, ඇයගේ ස්වාමිපුරුෂයා බහුදින යාත්‍රාවක සේවය කරන බවට තොරතුරු ලැබී තිබෙනවා.

පසුගිය 08 වනදා රාත්‍රියේ කාන්තාවන් තිදෙනෙකු ඇයගේ නිවසට පැමිණ මෙම කාන්තාවට පහර දී අනතුරුව රැගෙන ආ කතුරකින් දිගු කොණ්ඩය කපාදමා ඇති බවයි වාර්තා වන්නේ.

එලෙස කපාදැමූ කොණ්ඩය සැකකාරියන් තිදෙනා විසින් රැගෙන ගොස් ඇති බවයි පොලිසියට කරුණු අනාවරණය වී ඇත්තේ.

මෙම සිද්ධිය සම්බන්ධයෙන් පහරකෑමට ලක්වූ කාන්තාව පොලිසියට පැමිණිලි කිරීමෙන් පසු පහරදීම පැමිණි කතුන් තිදෙනාගෙන් ප්‍රධාන සැකකාරිය අත්අඩංගුවට ගෙන තිබෙනවා.

මෙලෙස අත්අඩංගුවට ගැනුණු කාන්තාවගේ සැමියා සමඟ පහරකෑමට ලක්වූ කාන්තාව අනියම් ඇසුරක් පවත්වන බවට
ඇති වූ සැකයක් මත මෙම පහරදීම සිදුකර ඇති බවයි මේ වනවිට අනාවරණය වී ඇත්තේ.

පහරකෑමට ලක්වූ කාන්තාව ප්‍රතිකාර සදහා හලාවත මහ රෝහලට ඇතුළත් කර ඇති අතර, සිද්ධිය සම්බන්ධයෙන් හලාවත පොලීසිය වැඩිදුර විමර්ශණ කටයුතු සිදුකරනු ලබනවා.