පොදුජන පෙරමුණ යනු ඕනෑම මොහොතක ජන ජීවිතය ආරක්ෂා කිරීමට වෙහෙසෙන පක්ෂයක් බව අමාත්‍ය ප්‍රසන්න රණතුංග පැවසීය.
අමාත්‍යවරයා මේ බව ප්‍රකාශ කළේ මාධ්‍ය වෙත අදහස් දක්වමිනි.
එහිදී වැඩිදුරටත් අදහස් දැක්වූ අමාත්‍යවරයා මෙසේද කීය.
“අපේ පාක්ෂිකයන්ට හිරිහැර කළ අයට නිල හෝ නිල නොවන වන්දි ලබාදිය යුතුයි. ජනතා විමුක්ති පෙරමුණ ගැන ජනතාව දැනගත යුතුයි. අපි නියෝජනය කරන්නේ පොදුජන පෙරමුණ බව ආඩම්බරයෙන් මං කියනවා. පොදුජන පෙරමුණ කියන්නේ ජීවිත බේරපු පක්ෂයක්. අපේ පක්ෂයට මිනිස්සු මරන නායකයෝ නැහැ. ජනතා විමුක්ති පෙරමුණ මාලිමාවෙන් තරග කළාට එහි පසුබිම වෙනස් කරන්න බැහැ.“