මොණරාගල වැලියාය ප්‍රදේශයේ නිධන් සොයා කැණීම් කරමින් සිටි පුද්ගලයන් සිව්දෙනෙකු පොලිස් විශේෂ කාර්ය බලකාය විසින් අත්අඩංගුවට ගෙන තිබෙනවා.
ඒ අතර මෙවර පලාත් පාලන මැතිවරණයට ජාතික ජන බලවේගයෙන් තරග කරන අපේක්ෂකයෙකු හා ඔහුගේ පියාද වන බවයි පොලිසිය පවසන්නේ.
බුත්තල පොලිස් විශේෂ කාර්ය බලකා කඳවුරේ නිලධාරීන් හා මොණරාගල මූලස්ථාන පොලිස් ස්ථානයේ නිලධාරීන් පිරිසක් එක්ව මෙම වැටලීම සිදුකළා.
අත්අඩංගුවට ගත් සැකකරුවන් මොණරාගල සහ වැලියාය ප්‍රදේශවල පදිංචිකරුවන් වන අතර ඔවුන් මොනරාගල මහේස්ත්‍රාත් අධිකරණයට ඉදිරිපත් කිරීමට නියමිතයි.