එළවළු තොග මිල ගණන් අඩුවී ඇති බව වාර්තා වෙයි.
යාපනය ප්‍රදේශයෙන් එළවළු තොග විශාල වශයෙන් දඹුල්ල ආර්ථික මධ්‍යස්ථානයට ලැබීම හේතුවෙන් මෙලෙස මිල පහළ ගොස් ඇති බවයි වාර්තා වන්නේ.
ඒ අනුව දඹුල්ල ආර්ථික මධ්‍යස්ථානයට ඊයේ (13) යාපනයෙන් එළවළු කිලෝග්‍රෑම් හැට දහසක් ලැබී තිබේ.
දඹුල්ල ආර්ථික මධ්‍යස්ථානයේ ඊයේ බෝංචි රුපියල් 150, ලීක්ස් රුපියල් 150, කැරට් රුපියල් 100, තක්කාලි රුපියල් 130, රාබු රුපියල් 40, නෝකෝල් රුපියල් 70, ගෝවා රුපියල් 40, අර්තාපල් (යාපනය) රුපියල් 140 සහ අර්තාපල් (නුවරඑළිය) රුපියල් 200 වශයෙන් කිලෝග්‍රෑමයක තොග මිල පැවැතිණි.