TSP පොහොර හෙවත් මඩ පොහොර රැගත් MV INCE PACIFIC නෞකාව අද (16) අලුයම කොළඹ වරායට සේන්දු වී තිබේ.
වගා කන්න 03කට පසු පළමු වතාවට මෙරට ගොවි ජනතාවට වී වගාවට අවශ්‍ය මඩ පොහොර හෙක්ටයාර් 01කට කිලෝග්‍රෑම් 55ක් බැගින් නොමිලයේ ලබා දීමට නියමිතය.
එම නෞකාවෙන් මඩ පොහොර මෙට්‍රික් ටොන් 36,000ක් මෙරටට රැගෙන විත් ඇති අතර ඉදිරියේදී තවත් එවැනිම මඩ පොහොර නෞකාවක් පැමිණීමට නියමිත බවයි කෘෂිකර්ම අමාත්‍යංශය පවසන්නේ.
එක්සත් ජාතීන්ගේ ආහාර හා කෘෂිකර්ම සංවිධානයේ සහ USAID ආයතනවල දායකත්වයෙන් මෙම මඩ පොහොර ලබා දී තිබේ.