31 C
Colombo
Sunday, April 27, 2025

― political ―

ජාතික ජන බලවේගයේ පක්ෂ නායකයින් අද මැතිවරණ කොමිසම හමුවට

ජාතික ජන බලවේගයේ පක්ෂ ලේකම් වෛද්‍ය නිහාල් අබේසිංහ මහතා ඇතුළු පක්ෂ නායකයින් පිරිසක් අද (19) මැතිවරණ කොමිසම හමුවීමට නියමිතය. පළාත් පාලන මැතිවරණ පැවැත්වීමේ සුදානම...
HomeHot Newsබිළිඳෙකු දුම්රියේ දමා ගිය මව් පිය යුවලට ඇප

බිළිඳෙකු දුම්රියේ දමා ගිය මව් පිය යුවලට ඇප

කුඩා බිළිඳෙකු දුම්රියේ දමා ගිය මව් පිය යුවළ ඇප මත නිදහස් කිරීමට කොටුව මහේස්ත්‍රාත් අධිකරණය නියෝග කර තිබෙනවා.

ඔවුන් දෙදෙනා වෙනුවෙන් පෙනීසිටි නීතිඥවරුන් අධිකරණයට දැනුම්දී ඇත්තේ ඇප ලැබීමෙන් පසුව අද දිනය තුළදී ම මෙම යුවළ විවාහ කිරීම සඳහා අවශ්‍ය පියවර ගන්නා බවයි.

බණ්ඩාරවෙල පරිවාස නිලධාරී විසින් සිදුකළ ඉල්ලීමකට අනුව බිළිඳාගේ පෝෂණ අවශ්‍යතා සලකා බලමින් දරුවා නැවත එම මව්පියන් වෙත භාරදෙන ලෙසට ද අධිකරණය නියෝග කර තිබෙනවා.

පරිවාස නිලධාරීගේ දැඩි අධීක්ෂණය යටතේ එම දරුවා යුවළ වෙත භාරදෙන ලෙසට ද අධිකරණය නියෝග කළා.

බිළිඳාගේ පෝෂණ අවශ්‍යතා සහ ආරක්ෂාව පිළිබඳව අවධානය යොමු කරන ලෙස සැකකාර මව්පිය යුවළගේ දෙමව්පියන් වෙත ද අධිකරණය නියෝග කර තිබෙනවා.