මෙරට ජනගහනයෙන් 50% කට ආසන්න පිරිසක් යම් මුඛ රෝගයකට ගොදුරු වී ඇති බව දන්ත වෛද්‍ය සේවා නියෝජ්‍ය අධ්‍යක්ෂ ජනරාල් වෛද්‍ය ආනන්ද ජයලාල් පැවසීය.
ලෝක මුඛ සෞඛ්‍ය දිනය අදට (20)යෙදී තිබේ. “මුව සුව අභිමන් විදින්න – දිවි ඇති තෙක් සිනාසෙන්න” යන්න මෙවර එහි තේමාව වී තිබේ.
ජාතික මුඛ සෞඛ්‍ය සංගණනයට අනුව මෙරට ජනතාව අතර බහුලව පවතින්නේ දත් දිරායාමේ රෝගය වන අතර මුඛ පිළිකා හේතුවෙන් දෛනිකව මරණ 03ක් වාර්තා වන බව වෛද්‍යවරයා අවධාරණය කළේය.