පහ වසර ශිෂ්‍යත්ව විභාගය සමත් සිසුන්ගේ කඩඉම් ලකුණු මේ මස 22 වැනිදා නිකුත් කරන බව අධ්‍යාපන අමාත්‍යාංශය නිවේදනයක් නිකුත් කරමින් පවසයි.
මෙවර විභාගයට පෙනී සිටි සිසුන් 48,257ක් ලකුණු 153කට වඩා ලබාගෙන ඇති අතර ඔවුන්ට විකල්ප පදනමක් මත පාසල් 10කට අයදුම් කිරීමේ හැකියාව පවතී.
විදුහල්පතිවරුන් විසින් අයදුම්පත් අධ්‍යාපන අමාත්‍යාංශයේ පරිගණක දත්ත ගබඩාවේ ලියාපදිංචි කළ පසු අධ්‍යාපන අමාත්‍යාංශය විසින් ඒවා පරීක්ෂා කර සිසුන්ට සුදුසු පාසලක් පැවරීමට කටයුතු කරන බවයි එම නිවේදනයේ වැඩිදුරටත් දැක්වෙන්නේ.