මෙරටට ලබාදෙන විස්තීර්ණ ණය පහසුකම සඳහා වූ ජාත්‍යන්තර මූල්‍ය අරමුදලේ විධායක කමිටු අනුමැතිය අද (20) ප්‍රකාශයට පත් කිරීමට නියමිතය.
මුදල් රාජ්‍ය අමාත්‍යංශය සඳහන් කළේ මෙරට වේලාවෙන් අද රාත්‍රීයේ ජාත්‍යන්තර මූල්‍ය අරමුදලේ විධායක කමිටුව රැස්වීමට නියමිත බවත් එහිදි අදාළ අනුමැතිය ලබාදීම පිළිබඳ අවසන් තීරණයකට එළඹීමට නියමිත බවත්ය.
එම කමිටු රැස්වීමෙන් අනතුරුවයි ජාත්‍යන්තර මූල්‍ය අරමුදලේ විධායක කමිටුව විශේෂ මාධ්‍ය සාකච්ඡාවක් හරහා අදාළ තීරණය ප්‍රකාශයට පත් කිරීමට නියමිතව ඇත්තේ.