පසුගියදා මීනගයා දුම්රියේ වැසිකිළියක දමාගිය බිළිදාගේ මව සහ පියා විවාහ වූ බව අද (24) කොටුව මහේස්ත්රාත් අධිකරණයේදී හෙළි විය.
පොලිස් භාරයට ගත් තම ජංගම දුරකථනය ලබාදෙන ලෙස ඉල්ලීමක් කරමින් මෙම බිළිඳාගේ පියා විසින් කොටුව මහේස්ත්රාත් තිළිණ ගමගේ හමුවේ මෝසමක් ගොනු කර ඇති අතර එහිදීයි මේ බව අනාවරණය වී ඇත්තේ.
එහිදී කොටුව මහේස්ත්රාත් තිළිණ ගමගේ දරුවා පිළිබඳ විමසා ඇති අතර පසුගිය 18 වනදා ඔවුන් විවාහ වූ බවත් බිළිඳා සහ බිරිඳ කොස්සින්න ප්රදේශයේ පිහිටි තම නිවසේ සිටින බවත් බිළිඳාගේ පියා අධිකරණයට දැනුම් දී තිබේ.