මහනුවර, මුල්ගම්පොළ ප්‍රදේශයේ ගුවන් පාලම අසලදී දුම්රියක ගැටී 16 හැවිරිදි පාසල් සිසුවෙක් ජීවිතක්ෂයට පත්ව තිබේ.
පොලීසිය පැවසුවේ එම සිසුවා ඊයේ (26) බදුල්ල සිට මහනුවර බලා ධාවනය වූ දුම්රියක එලෙස ගැටී ඇති බවයි.
මෙලෙස ජීවිතක්ෂයට පත්ව ඇත්තේ මහනුවර ප්‍රසිද්ධ පාසලක ඉ‌ගෙනුම ලබන මාදබෝවල, මහනුවර ප්‍රදේශයේ පදිංචිකරුවෙකි.
එම සිසුවා ජංගම දුරකථනයෙන් ඇමතුමක් ලබාගනිමින් පදිකයින් ගමන් කරන ගුවන් පාලමේ නොයා දුම්රිය මාර්ග හරහා ගමන් කිරීමේදී දුම්රියේ ගැටී ඇති බවයි විමර්ශනවලදී අනාවරණය වී ඇත්තේ.