අඩු ආදායම්ලාභි පවුල් ලක්ෂ 29 කට නොමිලේ සහල් බෙදාදීමේ වැඩසහටන අද (27) සිට ආරම්භ කරන බව කෘෂිකර්ම අමාත්යංශය පවසයි.
කෘෂිකර්ම අමාත්ය මහින්ද අමරවීර කියා සිරියේ මෙවර මහ කන්නයේදී ගොවි ජනතාවගෙන් රජය මිලදී ගත් වී තොග, සහල් බවට පත් කර ඒවා අඩු ආදායම්ලාභී පවුල් අතර බෙදාහරින බවයි.
ඒ අනුව එක් පවුලකට මසකට සහල් කිලෝග්රෑම් 10 ක් බැගින් මාස දෙකක් සහල් නොමිලේ ලබාදීමටයි රජය තීරණය කර ඇත්තේ.
මේ යටතේ කොළඹ, ගම්පහ, කළුතර, මහනුවර, රත්නපුර, ගාල්ල සහ මාතර ඇතුළු තවත් දිස්ත්රික්ක කිහිපයකට පළමු අදියර යටතේ සහල් බෙදාහැරීම සිදු කිරීමට නියමිතය.