ගලෙන්බිඳුණුවැව පඩිකාරමඩුව අඹකොළණිය ප්රදේශයේ සැරිසරූ වන අලි රංචුවක් පලවාහැරීමේ මෙහෙයුමක නිරත වී සිටි ස්ථානභාර වනජීවී නිලධාරියෙකු අලියෙකු සිදුකළ පහරදීමකින් ජීවිතක්ෂයට පත්වී තිබෙනවා.
මෙලෙස මියගොස් තිබෙන්නේ අනුරාධපුර රිටිගල වනජීවී කාර්යාලයේ ස්ථානභාර නිලධාරී පී.බී.ජේ.විජේකෝන් වන අතර මාතලේ පදිංචිකරුවෙකු වන ඔහු දෙදෙරු පියෙකි.
ඔහු ඊයේ සවස සිට තවත් නිලධාරීන් 20ක් පමණ කැටුව අලි රංචුව පළවා හැරීම මෙහෙයුමට සහභාගී වී තිබු අතර මෙහෙයුම අතර පැමිණි අලියෙකු මෙම පහර දීම සිදුකළ බව වනජීවී නිලධාරීන් පැවසුවා.
මියගිය නිලධාරීයාගේ දේහය මරණ පරීක්ෂණය සදහා යකල්ල හුරුළුවැව ප්රාදේශීය රෝහලේ තබා තිබෙනවා.



