හජ් වන්දනාකරුවන් රැගෙන මක්කම බලා යමින් සිටි බස් රථයක් සෞදි අරාබියේදී අනතුරට ලක්ව ගිනිගෙන තිබේ.
මෙම අනතුරින් 20 දෙනෙකු පමණ මිය ගිය අතර තවත් විශාල පිරිසක් තුවාල ලබා ඇති බවයි වාර්තා වන්නේ. යේමනයට මායිම්ව පිහිටි දකුණු පළාතේ අසීර්හිදීයි මෙම සිදුවීම සිදුව ඇත්තේ.
මියගිය අය විවිධ රටවල සිට පැමිණි අය බවට මූලික විමර්ශනවලින් පෙනී ගියද ඔවුන්ගේ අනන්‍යතාව තහවුරු කර නොමැත.
වාර්ෂික හජ් වන්දනාව සඳහා මිලියන සංඛ්‍යාත මුස්ලිම්වරුන් සෞදි අරාබියට යන අතරතුර මෙම ඛේදවාචකය සිදු වී තිබේ.
#Al jazeera