මෙරට කෘතහස්ත දේශපාලනඥයෙකු මෙන්ම හිටපු අමාත්‍යවරයකු වූ පිලිප් ගුණවර්ධනගේ 51 වන ගුණ සමරු උත්සවය ඊයේ (29) කොළඹ බණ්ඩාරනායක අනුස්මරණ ජාත්‍යන්තර සම්මන්ත්‍රණ ශාලාවේ දී පැවැත්වුණා.
ඒ ජනාධිපති රනිල් වික්‍රමසිංහගේ ප්‍රධානත්වයෙන්.
පිලිප් ගුණවර්ධනගේ ජීවන ගමන අළලා සැකසු කෙටි චිත්‍රපටයක් ද මෙහිදී ප්‍රදර්ශනය කෙරුණු අතර ඔහු වෙනුවෙන් නිර්මාණය කළ ගීතයක් එළි දැක්වීමද සිදු කෙරුණා.
මහා සංඝරත්නය, හිටපු ජනාධිපතිවරු, මැති ඇමතිවරුන් හා විදේශ නියෝජිතයින් ඇතුළු පිරිසක් මේ අවස්ථාවට එක්ව සිටියා. පිලිප් ගුණවර්ධන යනු වත්මන් අග්‍රාමාත්‍ය දිනේෂ් ගුණවර්ධනගේ පියායි.
