පෙබරවාරි මාසයේදී විදෙස්ගත ශ්‍රමිකයින්ගෙන් මෙරටට ලැබුණු ආදායම ඇමරිකානු ඩොලර් මිලියන 400 සීමාව ඉක්මවා ගොස් ඇති බව ශ්‍රී ලංකා මහ බැංකුව පවසයි.
මහ බැංකුව නිවේදනයක් නිකුත් කරමින් සඳහන් කළේ පසුගිය මාසයේදී පමණක් ඇමරිකානු ඩොලර් මිලියන 407ක ප්‍රේෂණ ලැබී ඇති බවයි.
එමෙන්ම පසුගිය මාසයේදී විදේශ රැකියා සඳහා පුද්ගලයින් 23,974 දෙනෙකු දිවයිනෙන් පිටත්ව ගොස් ඇති අතර පෙබරවාරි මාසයේදී දිවයිනට පැමිණි සංචාරකයින් සංඛ්‍යාව එක්ලක්ෂ 7,639 ක් බවයි මහ බැංකුව පවසන්නේ.