කිතුල් ගසක් මැදීමට ගිය පුද්ගලයෙක් අද (03) ගස උඩම මියගොස් ඇති බව පිටිගල පොලිසිය පවසයි.
මෙලෙස මියගොස් ඇත්තේ පොරවගම, කරුවලතොට පදිංචි රණසිංහ වීරක්කොඩි නමැති 63 හැවිරිදි පුද්ගලයෙකි.
ඔහු අද (03) උදෑසන නිවස ඉදිරිපිට ඉඩමේ ඇති කිතුල් මැදීම සඳහා ගසට නැග ඇති අතර ඔහු ගස උඩම මියගොස් ඇති බව දුටු ප්‍රදේශවාසින් ඒ බව පොලිසියට දැනුම් දී තිබේ.
පොලිසිය එම ස්ථානයට පැමිණ සිරුර බිමට ගෙන ඇති අතර හෘදයාබාධයකින් මොහු මරණයට පත්වන්නට ඇති බවයි සැක පළ කරන්නේ.