වැල්ලවාය – තණමල්විල මාර්ගයේ නුගේයාය ප්‍රදේශයේදී ඊයේ (04) රාත්‍රි ත්‍ර්‍රීරෝද රථයක කැබ් රථයක් ගැටීමෙන් එකම පවුලේ තිදෙනෙකු මිය ගොස් තිබෙනවා.
මෙම අනතුරෙන් කුඩා ළමයෙකුද තුවාල ලබා වැල්ලවාය රෝහලට ඇතුළත් කර ඇති අතර කැබ් රථයේ රියදුරු එය ධාවනය කර තිබෙන්නේ බීමතින් බවයි පොලීසිය පවසන්නේ.
අධික වේගයෙන් ධාවනය වූ කැබ් රථය විරුද්ධ දෙසින් පැමිණි ත්‍රිරෝද රථයේ ගැටී ඇති අතර අනතුරින් ත්‍රිරෝද රථයේ ගිය වැල්ලවායේ පදිංචි පොලිස් සැරයන්වරයෙකු, ඔහුගේ බිරිඳ හා පියා මියගියා.
බීමතින් සිටි කැබ් රථයේ රියදුරු ප්‍රදේශවාසීන් විසින් අල්ලාගෙන පසුව පොලිසියට භාරදෙනු ලැබුවා. අනතුරින් පසුව කැබ් රථයේ ගිය තවත් කිහිපදෙනෙකු ප්‍රදේශයෙන් පලාගොස් ඇති බව පැවසෙනවා.
