වව්නියාව වෙඩුක්කුනාරි කන්දේ පිහිටි ආදී ලිංගේස්වර කෝවිල පිහිටි ප්‍රදේශය ‘වඩුනංගල’ ප්‍රදේශය ලෙස හඳුන්වන බවත් එහි ශිව කෝවිලක් තිබෙන බවත් පාර්ලිමේන්තු මන්ත්‍රී සරත් වීරසේකර පැවසීය.
සභාව ඇමතූ ඇතැම් දෙමළ පාර්ලිමේන්තු මන්ත්‍රීවරුන් කියා සිටියේ මෙම ශිව කෝවිල ඉවත් කිරීමට පියවර ගෙන ඇති බැවින් එය ශිව දෙවියන්ගේ ශාපයට ලක්විය යුතු බවයි.
කෙසේ වෙතත්, ශිව දෙවියන්ගේ ශාපය වෙනත් අයට නොව, නීතියට පටහැනිව, පුරාණ බෞද්ධ පුරාවිද්‍යා සංකේතවලට හානි කර ශිව කෝවිල් ඉදිකරන්නන්ට එරෙහිව එල්ල වනු ඇතැයි තමන් විශ්වාස කරන බවයි අමාත්‍යවරයා පවසන්නේ.