මෙරට ප්‍රබල මත්ද්‍රව්‍ය ජාවාරම්කරුවකු වන නඳුන් චින්තක නොහොත් හරක් කටාගේ බිරිඳ ජාත්‍යන්තර පොලිසිය මගින් අත්අඩංගුවට ගෙන මෙරටට ගෙන ඒමට කටයුතු කරන බව පොලිසිය පවසනවා.
උසස් පොලිස් නිලධාරියෙක් පැවසුවේ හරක් කටා නමැත්තාගෙන් අනාවරණය කරගත් තොරතුරුවල වැඩිදුර විමර්ශන සඳහා ඔහුගේ බිරිඳ අත්අඩංගුවට ගැනීමට අවශ්‍ය බවයි.
ඉකුත් මස 15 වැනිදා හරක් කටා සහ තවත් මත්ද්‍රව්‍ය ජාවාරම්කරුවකු වන පානදුර කුඩු සලිඳු යන දෙදෙනා මැඩගස්කරයේ සිට මෙරටට ගෙන එනු ලැබූ අතර ඔවුන් මේ වනවිට රඳවා ගැනීමේ නියෝග මත අපරාධ පරීක්ෂණ දෙපාර්තමේන්තුව ප්‍රශ්න කරනවා.