ජනතාව අපහසුතාවයට පත්වන අධික රස්නය සහිත කාලගුණික තත්ත්වය මැයි මාසය අවසන් සතිය වන තෙක් පවතිනු ඇති බව කාලගුණ විද්‍යා දෙපාර්තමේන්තුව පවසනවා.
ශ්‍රී ලංකාව ආශ්‍රිතව වායු ගෝලයේ පවතින සුළං ප්‍රවාහයේ අඩුවීම මීට ප්‍රධාන හේතුව බවයි කාලගුණ විද්‍යා දෙපාර්තමේන්තුවේ නියෝජ්‍ය අධ්‍යක්ෂක ප්‍රීතිකා ජයකොඩි සඳහන් කළේ.
අහස වළාකුළුවලින් තොරවීම සහ හිරු එළිය සෘජුව පොළොවට පතිත වීම යන කරුණු හේතුවෙන් අධික රස්නය සහිත කාලගුණ තත්ත්වය වැඩි වශයෙන් ජනතාවට දැනෙනු ඇති බවයි ඇය වැඩිදුරටත් පැවසුවේ.
මේ හේතුවෙන් අව්වට නිරාවරණය වීම අවම කරගැනීමේ වැදගත්කම ඇය අවධාරණය කළා.