අලුත් අවුරුදු නිවාඩුව සඳහා ගම්බිම් බලා යන මගී ජනතාවගේ පහසුව වෙනුවෙන් ලබන 10 වැනිදා සිට අතිරේක බස් සේවා යොදවන බව ලංකා පෞද්ගලික බස් හිමියන්ගේ සංගමයේ සභාපති ගැමුණු විජේරත්න පැවසීය.
සභාපතිවරයා වැඩිදුරටත් සඳහන් කළේ කොළඹ සිට දිවයිනේ සියලු ප්‍රදේශවල ගමනාන්ත සඳහා මෙම විශේෂ බස් රථ මගී ජනයාගේ ඉල්ලුම අනුව යොදවන බවයි.
අවශ්‍ය තරම් බස් රථ ඇණියක් පවතින බවත් මෙම විශේෂ බස් රථ ධාවනයට එක් කරන්නේ අර්ධ සුඛෝපභෝගී බස් ගාස්තු යටතේ බවත් ඔහු සඳහන් කළේය.