අලුත් අවුරුදු සමයේදී කජු සංස්ථාවේ කජු සඳහා විශාල ඉල්ලුමක් ඇති බවත් මේ හේතුවෙන් ඇතැම් අවස්ථාවලදී ඉල්ලුමට සරිලන සැපයුමක් ලබාදීමට නොහැකි තත්ත්වයක් උද්ගතව ඇති බවත් කජු සංස්ථාව පවසයි.
මේ දිනවලදී සංස්ථාවට අයත් වෙළෙඳසැල් වෙත දිනකට කජු මෙට්‍රික් ටොන් එකක පමණ ඉල්ලුමක් පවතින අතර පෞද්ගලික වෙළෙඳසැල් මගින් රුපියල් 4000 – 5000ත් අතර මිලකට අලෙවි කරනු ලබන කජු කිලෝග්‍රෑමයක් සංස්ථාව මගින් රුපියල් 3000 – 3500ත් අතර මිලකට අලෙවි කරනු ලබයි.