පේරාදෙණිය ඉළුක්වත්ත ප්‍රදේශයේදී අද (07) උදෑසන පෙර පාසල් ගුරුවරියකගේ ගෙළ කපා ඝාතනය කර ඇති බව පොලීසිය පවසයි.
මුරුතලාවේ පදිංචි 25 හැවිරිදි අංජලී චාපා නැමැති තරුණියක් මෙලෙස ඝාතනයට ලක්ව ඇත.
පෙර පාසලේ පැවැත්වීමට සූදානම් කර තිබූ අලුත් අවුරුදු උත්සවයට සහභාගි වීම සඳහා අද පෙරවරුවේ යමින් සිටියදී ගිනිහේන සුසාන භූමිය අසළ දී කිසිවෙකු විසින් ඇයගේ ගෙල කපා මෙම ඝාතනය සිදු කර ඇති බවයි අනාවරණය වී ඇත්තේ.
ඝාතනය සම්බන්ධයෙන් පේරාදෙණිය පොලිසිය වැඩිදුර පරීක්ෂණ පවත්වනු ලබයි.