දොඩන්දූව ප්‍රදේශයේදී මෝටර් රථයක් දුම්රියක ගැටීමෙන් ස්වාමීන් වහන්සේ නමක් ඇතුලු දෙදෙනෙකු තුවාල ලබා තිබෙනවා.
අද පෙරවරු 11.15ට පමණ මාතර සිට වව්නියාව බලා ධාවනය වෙමින් තිබූ රජරට රැජිණ දුම්රියේ මෝටර් රථය ගැටී ඇති බවයි සඳහන්.
තුවාල ලැබූ ස්වාමීන් වහන්සේ සහ මෝටර් රථයේ රියදුරා කරාපිටිය ශික්ෂණ රෝහලට ඇතුලත් කර තිබෙනවා.
තුවාල ලැබූ ස්වාමීන් වහන්සේ දානමය කටයුත්තකට සහභාගී වීම සඳහා ගමන් කරමින් සිටියදී මෙම අනතුරට සිදුවී ඇති බවයි වාර්තා වන්නේ.
අනතුර සිදුවූ මෙම දුම්රිය හරස් මාර්ගයේ සංඥා නිරන්තරයෙන් ක්‍රියාත්මක වෙමින් පවතින බවට ප්‍රදේශවාසීන් චෝදනා කරනවා.
