සංචාරක අයර්ලන්ත කණ්ඩායම සහ ශ්‍රී ලංකාව අතර තරග දෙකකින් සමන්විත ටෙස්ට් තරගාවලියේ පළමු තරගය අද (16) ආරම්භ වනවා.
ශ්‍රී ලංකාව සහ අයර්ලන්තය අතර ක්‍රිකට් ඉතිහාසය තුළ දෙපිළම ටෙස්ට් තරගාවලියක් සඳහා එකිනෙකා මුණ ගැසෙන්නේ පළමු වතාවටයි.
ඒ, අනුව මෙම ඉතිහාසගත තරගය අද (16) පෙරවරුවේ ආරම්භ වන්නේ ගාල්ල ජාත්‍යන්තර ක්‍රිකට් ක්‍රීඩාංගනයේ දීයි.
අද ආරම්භවන ශ්‍රී ලංකා අයර්ලන්ත ටෙස්ට් තරගාවලිය නොමිලේ නැරඹීමට ප්‍රේක්ෂකයින්ට අවස්ථාව සලසාදීමට ශ්‍රී ලංකා ක්‍රිකට් ආයතනය විසින් කටයුතු කර තිබෙනවා.
මේ අතර ශ්‍රී ලංකා වත්මන් ටෙස්ට් නායක දිමුත් කරුණාරත්න ශ්‍රී ලංකාව වෙනුවෙන් නායකත්වක ලබාදෙන අවසන් ටෙස්ට් තරගාවලිය ද මෙයවීම විශේෂත්වයක්.
අද ආරම්භවන පළමු ටෙස්ට් තරගය සඳහා පිත්කරුවන් 07 දෙනෙකු සහ පන්දුයවන්නන් සිව්දෙනෙකුගෙන් යුත් කණ්ඩායමක් ක්‍රීඩා කරනු ඇති බවයි ශ්‍රී ලංකා ටෙස්ට් නායක දිමුත් කරුණාරත්න ඊයේ මාධ්‍ය වෙත අදහස් දක්වමින් සඳහන් කළේ.